جديد الفسحة

Loading...

الثلاثاء، 10 يونيو 2014

شهيوات رمضانية مغربية بالصور 2014 : مسمن الشحمة في الفرن


بسم الله الرحمان الرحيم

شهيوات رمضانية مغربية بالصور 2014 : مسمن الشحمة في الفرن




الوصفة من تحضير الاخت اميرة بأخلاقي جزاها الله عنا كل خير


مقادير شهيوات رمضانية مغربية بالصور 2014 : مسمن الشحمة في الفرن


العجين


زلافة فورص
نصف زلافة دقيق قمح او فينو
ملعقة صغيرة سنيدة
نصف معلقة صغيرة خميرة حلوة
راس ملعقة صغيرة خميرة خبز
ملح 
ماء للعجن



الحشوة


بصلة مقطعة رقيقة
فلفل احمر واخضر اختياري
فلفل حار
شحمة(بالنسبة ليا كنذوبها ونصفيها ونخليها في بواطة في المجمد تتجي ساهلة وتذوب كاملة متيبقاوش طريفات)
زيتون مقطع اختياري
ربيع مقطع
ملح/تحميرة/خرقوم/كمون




طريقة تحضير شهيوات رمضانية مغربية بالصور 2014 : مسمن الشحمة في الفرن


تنخلطو مقادير العجين ونجمعوها بالماء عادي بحال الرغايف وندلكوها مزيااااان حتى تولي كطرطق 




نشكلوها كويرات وندهنوهم بالزيت ونغطيوهم ببلاستيك ونخليوهم يرتاحوو




ندوزو للحشوة نعملو البصلة في مقيلة مع شوية الزيت ورشيشة ملح ونخليوها حتى تعرق وتنزل شوية عاد نزيدو فلفلة ونخليوهم يطيبو ثم نضيفو التوابل خرقوم وتحميرة شوية بزاايد وزيتون وشحمة ونخليو الخليط شي 5 دقائق ينساجمو و ذوب الشحمة نطفيو على المقلة و نزيدو الكامون وربيع




ونخليو الحشوة تبرد وفى نفس الوقت تكون العجينة رتاحت




ناخدو كويرة من العجين ونورقوها مزيان بالزيت ونعمروها بشوية الحشوة ونطويوها بالطريقة العادية تاع الرغااايف ناخذو كورة اخرى ونعملو ليها نفس الشيء نورقوها وندهنوها بشوية الحشوة ونوضعو وسط منها الرغيفة لي وجدنا قبل
ونبقاو نعملو نفس الشيء حتى نوصلو لسمك لي بغينا انا استعملت 5 رغيفات




نخليوهم يستراحو شوية بينما سخنا الفران نكرصوها شوية وندخلوها طيب على اعلى درجة عندك في الفران حتى دوز شي 10 دقائق عاد نقصو شوية ونخليوها تكمل طيبابها




منين طيب وتحمر نخرجوها ونقطعوها مربعات أو حسب الرغبة




هاهو المسمن بالشحمة في الفرن عن قرب تيجي مورق وهشيييييش بحال العجين المورق تيحمق














وهادو طيبتهم في المقلة الثقيلة حتى هوما تيجيو زوينين ولكن تنفضل تاع الفرااان
نتنمى الوصفة تعجبكم وتجربوها






































إقرأ أيضا