جديد الفسحة

Loading...

السبت، 9 أغسطس 2014

رغايف بالسبانخ لذاذ وسهلة التحضير


بسم الله الرحمان الرحيم

مقادير الرغايف بالسبانخ والكروفيت


مقادير العجين 


200 غ طحين ممتاز 
50 غ ميزينا 
1 بيضة 
م ص ملح 
م ك زبدة لينة
شوية ديال الحليب لي يجمع لعجين تقريبا ربع كاس






مقادير الحشوة


ربطة ديال السبانخ طري مغسول مزيان ومقطع
الكروفيت القياس لي بغيتي
بصلة كبيرة مشلضة 
زيت بلدية 
إبزار + سكنجبير + ملح 
5 شرائح من جبن الساندويتش 
الهريسة حسب الذوق 




طريقة تحضير الرغايف بالسبانخ والكروفيت


كنخلطو ميزينا مع الطحين ونخلط كلشي حتى تترمل العجينة شوية






ونجمعوها بالحليب وندلكوها مزيان




ثم ندهنو العجين بالزيت ونعملو منو كويرات ونخليوهم يرتاحو 




في هاد الوقت كنشحرو البصلة مع شوية الزيت حتى تدبال شوية ونضيفو الكروفيت والملح والعطرية والهريسة 








شوية ونضيفو السبانخ ونغطيو باش يدبالو السبانخ ويطيبو 








نضيفو الجبن ونخليوه يدوب ونخلطو مزيان ونخلي الحشوة تبرد




وهاهي الحشوة من بعد ما وجدات




كنطلقو العجينة بالطريقة العادية للرغايف كنورقوها بالزيت 
كنعمرو بالحشو ونطوي عادي 








الفرق لكين هو داك الطرف العجين لبقى عوض نعلوه فوق بحال الطريقة العادية للرغايف هنا غنعملوه لتحت








كندهنو الرغايف بأصفر البيض وندخلهم للفرن حتى يطيبو ويتحمرو 




وها الرغايف بالسبانخ والكروفيت واجدين 
وبالصحة والراحة






إقرأ أيضا