جديد الفسحة

Loading...

السبت، 6 ديسمبر 2014

اليكم مقرونية رائعة بالطون والبيشايل بطريقة مختلفة ولذيذة

بسم الله  الرحمان الرحيم


 مقرونية بالطون وصلصة البيشاميل مممم لذيذة بالصور



مقادير مقرونية بالطون وصلصلة البيشاميل


مقرونية (اي شكل متوفر والكمية حسب الاشخاص)


بصلة مشلضة


كورجيت محكوكة(الخضر حسب الرغبة ممكن نضيفو جزر محكوك ولا شومبينيو ولا فلفل...)


2 معالق طماطم مركزة


حك طون (ممكن نستعملو كفتة دجاج كروفيت وممكن بلاش)


ثوم محكوك


ملح/ابزار/رشيشة سكر/زيت









طريقة تحضير 
مقرونية بالطون وصلصة البيشاميل بالصور




اولا نديرو الماء يطيب مع شوية الملح ونردو لي باط يتسلقوو




وندوزو نوجد مقلاة نديرو زيت يسخن ونضيفو ليه بصلة مشلضة رقية ورشيشة ملح 

ونخليوها تنزل مزيااان


منين تنزل نزيدو ثوم وكورجييت محكوك




منين تنزل الكورجيت تنزيدو مطيشة الحك ونشحرو شوية حتا تطلع ريحة مطيشة عاد 

نبدا نضيف الماء


من الاحسن الماء فاش صلقنا لي باط مع تيكون طالق فيه داك نشا تتعقاد لينا 

لاصووص




عاد نضيفو ابزار وسنيدة وحك طون ونحركو ونضيفو لي باط لي صلقنا غير 

مخاصناش نصلقوهم بزااف حيت مزال غادي يكملو طيابهم




وهنا منين حركنا كلشي وطفينا عليه




ندوزو للبيشاميل تندير معلقة كبيرة زبدة ونخليها ذوب عاد تنضيف ليها معلقة وشي 

شوية تاع طحيين ونحاول نحرك شوية باش يطيب داك طحيين ونبدا نضيف فالحليب

شوية بشوية صراحة مكنعبرش شحال بالضبط المهم نحركو مزيااان باش ميتكورش

لينا ونزيدو ملح ابزار ورشيشة كوزة تتعطي مذاق لذييذ وهنا ضفت للبيشاميل معلقة 

من الجبن اختياري اكييد




منين يطيب البيشاميل كنستفو لي باط فمول تاع الفرن ونكبو عليه البيشامييل ونحكو 

شوية الفرماج فالاخيير




وندخلوه للفرن شي شوية غير يتكراتينا انا هنا مطولتش عليه كنت زربانة ههه 









وهنا من الداخل تيجي لذييذ بزاف متشبعوش منو وتنفضلو حتى يبرد مممم


بالصحة والراحة







إقرأ أيضا