جديد الفسحة

Loading...

السبت، 17 يناير 2015

طريقة متالية لتحضير الدجاج محمر بحال الاعراس



بسم الله الرحمان الرحيم

غنحتاجو للدجاج ليغنقوه و نغسلوه بالملح و الخل و سكين جبير باش نحيدو الزفورة ديالو و نخلوه إيبات في ترقيدتو حتى للصباح و نغسلوه مزيان و نحطوه يتسقطر


أو دبا ندوزو للشرمولة هادو مقادير 6 دجاجات صغار:غادين نحتاجو 3 معالق كبار سكين جبير، 3 معالق خرقوم بلدي ، ملعقة صغيرة مخلطة بسيبيسة و قعقلة مطحونين ، 2معالق كبار سمن ، ملعقة كبيرة إبزار ، ملعقة صغيرة قرفة ، ثوم مدقوق أنا كندير 3 فصوص للطير علما أنني مستعملة دجاج صغير ديال كيلو كيكون بنين ، قسبر و معدنوس بزايد ، نصف حامضة مصيرة مقطعة رقيق , شوية من ملون آصطناعي، الملح غير شوية حيت بيتنا الدجاج مرقد في الملح و أيضا ماننساوش الحامض المصير تيكون مالح 

تنخلطو جميع المكونات مع كأس كبير من الماء

ثم كنبداو نرقدو الدجاج في الشرمولة و حنا كندخلوها مزيان و نحكوها ما بين اللحم و الجلدة و أيضا وسط الدجاجة ثم كنربطو ليهم رجليهم 

كنخلو الدجاج ديالنا يترقد على الأقل ساعة ثم نزيدو عليه كأس ماء و نحطوه إيطيب على نار مهيلة حتى يغلى مزيان ثم نضيفو 4 بصلات مشلظين رقيق و كأس زيت مخلط رومي و بلدي و نقلبو الدجاج على كرشو و نخلوه يطيب على نار مهيلة 
ملي إيطيب الدجاج نجهدو العافية باش نقسو المرق ثم نزولو الدجاج من المرق و نحطوه في لاطة و ندهنوه بالسمن و ندخلوه للفرن يتحمر 

أو دبا نوجدو الزيتون كناخدو الزيتون كنغسلوه مزيان تم كنسلقوه في الماء واحد نصف ساعة باش نزولو الملوحة منو تم كنصفوه و نزيدو عليه مغرفة من المرق و نخلوه يشرب ليقامة مزيان

كنشحرو المرقة ليبقات على نار متوسطة مع التحراك حتي تولي عاقدة مجمرة و واقفة في الزيت 
في الأخير كنحطو الدجاج ديالنا في طبق التقديم و نخوو شوية المرق و نزينو بالزيتون و بالصحة و الراحة



إقرأ أيضا