بسم الله الحمان الرحيم
اليوم ان شاء الله بغيت نوريكم طريقة عمل لي لارم دو شوكولا
اذنعلى بركة الله غادي نحتاجو ل
شكلاط مذوب ( هنا غالبا كنستعمل شوكولا دو كوفيرتير او بديل الشوكولا)
بلاستيك مزوق او عادي كيتباع عند المحلات لي كتبيع مستلزمات الحلويات
ورق سلفيريزي
اذن على بركة الله كنقطع البلاستيك تقريبا 3 cm على 12 cm
و كندير عليهم الشكلاط و كنسرحو
كنخليه يشد راسو واحد 3 حتى ل 5 الدقايق على حسب درجة الحرارة
و كنلاقي الجناب تقريبا 2 cm
كندخلو للتلاجة و خاصو يبقا واقفكيبرد
فهد الاثناء كنحضر الوردة
كندير الشوكولا فورق السلفيريزي و كنبدا نشكل الورد ديالي بحال هاكا
كندخلهم للتلاجة
كنخرج اللارم ديالي و كنعمرو باش بغيت بالكريم او لا موس او لا كلاص
