جديد الفسحة

Loading...

الأحد، 19 يوليو 2015

طريقة تحضير الحوت المعلب في البيت بطيقة ناجحة وبمكونات اقتصادية



بسم الله الرحمان الرحيم




مقادير و طريقة تحضير الطون المعلب في البيت بالصور الموضحة


حوت الطون أو واحد لحوت شكل ديالو بحال طون وزوين ورخيص سميتو BONITA
ملح يكون كثير شوية على حسب المقادير مثلا هنا استعملنا كيلو ونصف
والملح تقريبا نصف رابعة ملح
أوراق موسى
2 ضروس ثوم 




من بعد ما نغسلو الحوت ونخليوه يستقطر نرقدوه تقريبا ساعة ونصف مع الملح والثوم وأوراق سيدنا موسى





ثم نعملوه في الكسكاس يتبخر مدة 30 دقيقة 







من بعد نزولوه ليه القشرة وشوك هاد النوع مافيهش شوك نهائيا
ونزولو حتا دوك لهبيرات لي كحلين





نخليوه بحال هكا




ونفرتوه بيدينا من بعد ندهنوه بزيت الزيتون مخلطة مع زيت العادية تكون نفس الكمية بيناتهم 
لكنتي غادي تحتاجيه فأيام قليلة اقصى حد أسبوع دريه فقريعة زجاج تكون معقمة وخوي عليه زيت عادية مخلطة مع زيت الزيتون وحطي فوق منو ورقة سيدنا موسى وديك ثويمة
غير هي خاص الزيت تكون غالبة حتا يتغطى الحوت كامل وسدي عليه مزيان وحطيه في الثلاجة 
كنت ما محتاجاهش تتاخدي الأول لي دهناه بالزيت وتفرقي لمقدار لي بغيتي فالبلاستيك الغدائي (ميكات)
وتحطيهم في المجمد تيبقا غزال وتصبر مدة طويلة غير تحتاجيه جبديه بواحد نصف ساعة وها هو جاهز للإستعمال بيتزا بانيني شلاضة ..........
أما إلى عملتية في القرعة خاصو يستهلك مدة أسبوع وديك زويتة متلوحهاش تنصبي بيها أطباق لحوت تيجي زوين
وعرفتوا راه حك ديال طون داير 110 دراهم/2 كيلو وما فيه والو
اما هذا ب 30 درهم وتيعطينا كيلو ونصف زائد صحي وإقتصادي




إقرأ أيضا