جديد الفسحة

Loading...

الثلاثاء، 17 نوفمبر 2015

اليكم طورطة واااااااااااااااااااااااااااااااااو رائعة وهائلة المذاق وبدون طهي وسهلة التحضير للمبتدئات







طارط بالحامض و البسكويت سهلة التحضير وبدون فرن
للاخت صفاء جزاها الله عنا كل خير


مقادير طارط بالحامض و البسكويت سهلة التحضير وبدون فرن



بالنسبة للطبقة الاولى


200غ من البسكويت
80غ من الزبدة مدوبة


الطبقة الثانية 


حامضة
2 بياض البيض
200 مل القشدة الطرية
50 مل ديال الماء
60 غ السكر
4 اوراق الجيلاتين


الطبقة الثالثة


عصير حامضة 
3 م ك ديال سنيدة
2 اوراق الجيلاتين
نقيطات من الملون الاصفر



طريقة تحضير طارط بالحامض و البسكويت سهلة التحضير وبدون فرن






اول حاجة كنطحنو البسكوي و نخلطوه هو و الزبدة و الى شفتو العجين مزال ما تجمعش زيدو نقيطات ديال الحليب ما تكتروش كيفما وقعلي انا ههههه و تاخدي المول لي كيتفتح منجناب و ديري فيه الخليط و بسطيه بمساعدة معيلقة او سباتول و ديري المول فثلاجة بينما حضرتي موس الحامض








حكي قشرة الحامضة و من بعد عصريها




ديري وريقات الجيلاتين يترطبو فالما عادي و خودي كسرونة ديري فيها الماء مع السكر حتى يسخنو مزيان زوليه من الفوق البوطة و زيدي عليه الجيلاتين ملي يدوبو زيدي عليهم قشرة الحامض و العصير المتبقي و خليهم على جنب يبردو بينما حضرتي لكريم شونتييه








بالنسبة لشونتييه خودي لكريم فريش تكون باردة مزيان و طربيها حتى تولي كريم شونتييه من بعد زيدي عليها خليط الحامض مع الجيلاتين و خلطي حتى تندمج العناصر 









اما بياض البيض طلابيه حتو يولي عامل فحال الثلج و زيديه على الشونتييه لي خلطتيها مع الحامض و الجيلاتين 



رجعي خلطي كلشي بالطراب غير شوية ماشي بزاف 







خرجي المول من الثلاجة و ضيفي عليه الخليط رجعي دخليه لثلاجة مدة 3 السوايع على الاقل المهم حتى يتجمد مزيان غير فالثلاجة الفوق ماشي فالمجمد




هدي من بعد ما تجمدات و شدات راسها 




رطبي 2 وريقات الجيلاتين فالماء و فكسرونة ديري عصير حامضة مع السكر و ديريهوم فوق البوطة على نار مهيلة حتى يذوب السكر الى ما كانش في الحامضة الماء بزاف ممكن تزيدي شويش ديال الماء من البعد ما دوب سنيدة زوليه من فوق البوطة و زيدي عليه الجيلاتين و نقيطات من الملون الاصفر و خليه حتى يبرد عاد زيديه على الموس و دخليه لثلاجة مرة اخرى على الاقل 4 سوايع و مثلا الى صوبتيها اليوم و خليتيها حتى الغد غدي تكون النتيجة افضل و زينيها باش ما بغيتي انا كنتفيت بيها كيفما هي لحقاش ماكانش عندي الوقت باش نزينها و بالصحة و الراحة








وهاهي طارط بالحامض و البسكويت واجدة بالصحة والراحة




إقرأ أيضا